Është mbajtur edicioni i 12-të i Starcard Videofestit Muzikor. Edhe këtë vit si çdo vit tjetër nuk mund të mos na bien në sy veshjet e artistëve në parakalimin e tyre në Tepihun e kuq. Ndryshe nga vitet e kaluara, veshjet ishin më ekstravagnte dhe ndoshta pak të tepruara, por që gjithsesi dukeshin bukur. Teksteshqip.Com në bashkëpunim me gazetaren e njohur Floriana Garo, autore e emisionit "Jo vetëm modë", ka bërë një listë përzgjedhjeje për veshjet më të bukura të këtij edicioni.



Duke shpresuar pa hatër mbetjeje te artistët dhe se kemi bërë zgjedhjen e duhur me shijen e publikut, ju paraqesim në vazhdim listën me veshjet më të bukura të asaj nate.

1. Argjentina Ramosaj.
"Fustani është shumë i bukur dhe evidenton mirë belin. I përshtatet më së miri eventit".- ka thënë Floriana për bukuroshen Argjentina Ramosaj.



2. Drenusha Latifi.
"Fustan modern dhe kombinim shumë i mirë i aksesorëve. Modeli i flokëve është gjithashtu i bukur". Drenusha tash e një kohë ja beson dukjen e saj stilistes Floresha Begisholli.



3. Dhurata Dora.
"Ngjyra dhe qëndisja e fustanit të tërheqin menjëherë vëmëndjen, këpucet mund të ishin më elegante". E sigurisht që meritat për pozitën e tretë i merr stilistja Vjollca Llapashtica.



4. Soni Malaj.
"Kombinim dhe veshje shumë e bukur, por jo shumë e përshtatshme për stinën".



5. Era Istrefi.
"Fustan I guximshëm që e bën të duket mjaft seksi"



6. Leonora Jakupi.
"Fustan elegant dhe kreativ". Kaq pak fjalë besoj mjaftojnë për Leonorën, e cila tash e disa vitesh ja beson veshjen e saj stilistit të njohur kosovar Valdrin Sahiti.



7. Vali Kuqi.
"Kombinim shumë i mirë i ngjyrave dhe mjaft trendy". Edhe pse i vetmi djalë që kryeson listën tonë mund të themi se Vali dukej mjaft bukur.



8. Miriam Cani.
"Veshje elegante dhe stilim i bukur i flokëve". Miriam Cani në këtë mbrëmje ishte veshur nga stilistja nga Shqipëria Miranda Dupi.



9. Kida.
"Një stil mjaft i veçantë i fustanit". Edhe pse një këngëtare e re, Kida po arrin mjaft mirë të ketë vëmëndje. Këtë e dëshmon edhe vetë fakti që ajo është pjesë e listës sonë.

10. Nora Istrefi.
"Si gjithmonë shumë sensuale, por do ishte më mirë t’i linte më shumë imagjinatës. E inspiruar apo jo kjo veshje, e kujt i intereson? Ajo arriti të zërë vend në listën tonë edhe pse u rradhit në vendin e 10-të.



Këto ishin veshjet mëtë mira të Starcard Videofest 2014 sipas teksteshqip.com. Me ndihmën e gazetares Floriana Garo, arritëm të seleksjonojmë një listë që menduam se do i përshtatet edhe shijes suaj. Veshje shumë të bukura këtë vit, edhe pse pak të teperuara! Por në fund të fundit, yjet mbesin yje!