Je në sytë e mi
E bukur si hënë
Dëshirë më plotësuan
Gjithë yjet e rënë

Gjithë yjet e rënë
T'i mblodha kurorë
Dhe në shpirtin tim
Shkriu ajo borë

Nuk më lodhi jeta
Nuk më lodhi koha
I lumtur sot jam
Sepse ty të njoha

Mbi buzëqeshjen tënde
Gjej krahët e mia
Edhe fluturoj
Veç nga dashuria

Kur jeta më mban
Larg nga syri tënd
Me sy e puth hënën
Për ty këndoj këngë

Nëse të mungoj
E dot s'të vjen kënga
Gjithë puthjet e mia
T'i marrësh nga hëna.