Ka realizuar klipin e saj me te ri, me titull ‘S'me meriton" duke udhetuar per mijera kilometra nga SHBA-ja, vetem per te qene sa me afer adhuruesve te saj. Ne kete interviste, motra e kengetares Gjyste Vulaj, na rrefen gjithcka; fillimet e saj, ikjen ne SHBA, martesen dhe lidhjen e saj me muziken... Lirie, ke edituar klipin tend me te ri, "S'me meriton". Na trego dicka me shume ... Si eshte realizuar ky klip dhe kush te ka mbeshtetur ne realizimi e tij? Ideja e kengetareve, zakonisht, eshte qe pasi realizojne nje kenge, te bejne edhe nje klip per te. Ne bashkebisedim me autoret e kenges, Shpat Kasapin, Aferdita Dreshajn dhe shume te tjere qe moren pjese ne realizimin e ketij klipi, lindi ideja per bashkepunim me Max Production. Ne fund, doli kjo qe eshte sot. Jam shume e kenaqur me punen e te gjithe atyre qe moren pjese ne kete projekt. ... ku je shfaqur me e kendshme se kurre! Kujt ia dedikon performancen tende? Cdo here, performancen time ia dedikoj publikut tim. Vertet u perpoqa duke menduar se cfare e si te paraqitem, por fatmiresisht, pata edhe mbeshtetjen e dy kusherirave te mia. Qupi, e cila jeton ne SHBA, ku studion per Mode, me beri stilimet per tre skena, si dhe modelja Tika Ivezaj, me lidhi me dizajnerin italian qe jeton Lei Marko, qe me lejoi te perdorja fustanin e zi nga koleksioni 2012. Une i falenderoj pa mase per mbeshtetjen dhe ndihmen e tyre. Ne fakt, cila eshte Lirie Dedvukaj-Sinishtaj? Liria eshte nje malesore shqiptare me moral e virtyte te pastra, me karakterin e saj besnik dhe te sinqerte. Duke u kthyer pas ne kohe, na trego, si u gjende ne Amerike? Amerika i ka te gjitha fajet! (Qesh) Ajo ka te vecanten qe te terheq, te ben per vete. Une i fillova studimet ne Prishtine dhe mbas nje viti gjysme, vendosa te shkoja ne SHBA per te studiuar gjuhen angleze atje. A e gjete ate qe prisje? Po, atje kam gjetur ate qe prisja dhe ate qe desha; ate qe vertet kerkoja prej Amerikes. Cila eshte "dhurata" me e bukur qe te ka bere Amerika? Me pranoi si rezidente te saj, kur jo shume njerez e kane pasur kete fat. Une vertet jam me fat qe arrita te behem pjese e saj. Cfare te motivoi per t'u larguar nga malesia? Malesine e dua dhe e kam ne zemer. Studimet ishin faktori i pare qe me beri te largohem. Pastaj, kete e perforcoi edhe lidhja me bashkeshortin tim, Markun. Cfare te mungon nga vendlindja? Prania me e shpeshte e familjes, shoqerise dhe e publikut qe kam atje. A eshte e lehte te ecesh perpara, ne nje vend si Amerika? Ne cdo hap te jetes, Amerika te ofron kushte qe te ecesh brenda kufijve, te drejtave e lirive qe ajo ka. Mendoj se, si asnje vend tjeter ne bote, Amerika te mundeson nje jete me te lehte, me plot kushte. Kemi kohe qe nuk te shohim ne ekran. Pse kjo mungese dhe pse e zgjodhe rikthimin tani? Mendoj se duhet te jem e pranishme me shpesh, por kam munguar ne kryeqendrat shqiptare, Tirane e Prishtine, per shkak te procedures se ngadalte te fitimit te dokumenteve per udhetim te lire. Tashme, do te jem me e pranishme, jua premtoj! Liri, kur e kuptove qe mund beheshe kengetare? Deshiren per te kenduar e kam pasur shume heret, por ne fakt, ne skene, kam dale ne moshen 9-vjecare. Pas asaj daljeje, kam qene kudo ne skenat ku kishte adhurues te muzikes shqiptare... Cfare ke ndjere gjate viteve, duke pasur parasysh qe je rritur bashke me kengen? Vetem kenaqesi! Kuptohet qe cdo pune ka edhe lodhje, por kenga eshte pjese e pandashme e jetes sime. A mund te na thuash sa kenge ke kenduar deri sot? Kam realizuar tre albume dhe disa kenge singell. S'i numeroj dot te gjitha kenget, jane kaq shume! Cili mendon se eshte celesi i suksesit tend? Origjinaliteti, vokali im, sjellja dhe performanca ime e sinqerte ndaj publikut. A e mbani mend kengen e pare? Eshte nje kenge folklorike qe e kujtoj dhe e kendoj me mall. Titullohej "A e din moj hane" dhe eshte kenga qe une vertet e kam me shume per zemer. Cili ose cila ka qene kengetari apo kengetarja qe ju e keni pasur si shembull? Nuk kam pasur ndonje te vecuar, por kam pelqyer shume kengetare, kam mesuar dhe ende vazhdoj t'i ndjek shembujt e mire te cdonjerit prej tyre. Cfare ndjen kur dikush te thote qe je nje malesore e vertete? Me ben te ndjehem mire; eshte ajo qe une vertet jam! Cfare raportesh ke me koleget e tu? Jam e sinqerte dhe mundohem te ruaj raporte te mira ne secilin; me ata qe i njoh, sigurisht! Cfare do te thote per ty te kendosh? Cfare eshte vete kenga per ty? Kjo eshte nje pyetje per te cilen vetvetiu lind pergjigjja: Kenga eshte vete jeta ime! Niveli i klipeve tani, sigurisht qe eshte me i mire nga i nje dekade me perpara. Cilat jane anet pozitive dhe negative te ketyre zhvillimeve? Pervoja te ben te mesosh ne gabime. Pastaj zhvillimi i cilesise teknike dhe shume elemente te tjera, te cilat ne kombinim me njeri-tjetrin, e bejne ate te ece perpara. Kalojme pak ne fushen sentimentale. Si po te shkon jeta martesore? Fort mire! Jam shume e kenaqur ... Ndihem shume mire me Markun; eshte njeriu qe me ploteson dhe e ben te bukur jeten time. Cfare duhet te kete nje martese qe te funksionoje? Si fillim, partnerin duhet ta kesh shok dhe pastaj, bashkeshort. Duhet te kete patjeter respekt dhe sinqeritet te ndersjelle. Pa keto, nuk mund te kesh nje marredhenie martesore te kendshme. Si ke arritur t'i bashkerendosh familjen dhe karrieren? Perkrahjet e para fillojne nga vete familja, keshtu qe me kane percjelle e me percjellin edhe sot e kesaj dite dhe shpresoj t'i kem pergjithmone. Dime qe bashkepunon shume me vellane tend, Luigjin. Si eshte puna me nje familjar? Vertet shume, shume mire. Eshte i sigurt, i qendrueshem, pa doreza dhe eshte privilegj ta kesh anetar familjeje dhe njeri besnik tendin, qe te perkrah. Je shume e angazhuar e gjithe kohes ne levizje. A ke thene ndonjehere: "Mjaft me"? Ndodh qe te lodhesh dhe njeriu ka nevoje per pushime, ama jeta artistike kerkon levizje dhe s'ka te ndalur. A e ke menduar ndonjehere me se do te ishe marre nese nuk do te ishe bere kengetare? Nuk e di. Ne te vertete, nuk e kam menduar asnjehere, ndoshta nga fakti qe kam nisur shume heret te kendoj dhe kenga ka pushtuar gjithe jeten e qenien time. Duke pasur parasysh qe ti ke shume adhurues meshkuj, a nuk behet xheloz bashkeshorti yt? Jo, nuk ka arsye per t'u bere. Xhelozia ka gjithmone nje arsye. Ndonje album, ne dukje? Ende vazhdoj me kenge dhe nuk eshte se kam ne plan ndonje te tille, por nuk e perjashtoj mundesine. Cfaredo te presim nga Liria ne te ardhmen? Angazhime me rastin e gezimeve familjare, festave dhe kenge me klipe te tjera. Gjithcka te bukur, vetem per publikun tim.