A B C D E F G H I J K L M N O P Q R S T U V W X Y Z #

Strehim Në Ëndrra

Ngërdheshen mendimet,
dashuria – stuhi,
zemra – lëngatë,
shpirti – shtrëngatë…
Kësaj ore te paqtë,
ku yjet harruar netëve
ndrijnë me tërë forcën e tyre,
Janë drita shumëngjyrëshe
apo xixëllonja?
Joo jo
janë yje, yje të ëndrrës blu,
tashmë i njoha, janë sytë e tu...
Ti vjen, më rrethon, më bëhesh mjegull,
buzët zgjas të të puth,
zgjaten duart të të prekin,
një zjarr dëshirash më fton në marrëzi.
Të ndjej bëhesh ajër e angushti..
më ledhaton ëmbël lëkurën
unë si mermer atë çast ngrij...
Mjegulla, si re, luan me mua, papritur largohet
e pamëshirë, grinë e saj më lë dhuratë në gishtërinj...
Si një fill i mëndafshtë
trazohen kujtimet
heshtja rëndon boshllëkun
Ti
ëndrrave ke bërë strehim...

- poezi nga Mimoza Rista


Nuk ka akoma asnjë votë






Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019