Hidhërimi ndonjëherë flet në emrin tënd
nuk dallon e as ndalon, për dikë a ndonjë vënd.

Hidhërimi është aq i verbër sa çdo të mirë e flakë
nuk zbutet as atëherë kur kalojnë vitet e bëhet plak.

Hidhërimi të sundon mendjen edhe në do të pendohesh
‘krenari’ ne e quajmë atë, për të cilën tek Zoti do të turpërohesh.

Për atë që në Tokë ti lufton mos lëshosh pe para njerëzimit,
për të, mëkati do t`rëndoj peshoren në Ditën e Gjykimit.

Në këtë muaj të shenjtë fal dhe duro
se edhe ai që në emër të hidhërimit, të quan mostër
në brendi të zemrës të do!