Refreni :

Mos ik po rri,së bashku ja dalim
nuk bën me harru,është toka nanë
mos ik po rri,së bashku ja dalim
ky është amanet,i të parve që lan (2x)...

Një orë e varur në mur akrepat lëvizin
Në xhamat me avuj zogjt po çukisin
Troket si i marrë rrebeshi nëpër dyer
Era, stuhi, degët e pemëve janë thyer

Një zemër e lodhur e mbyllur n'kafaz
Kërkon pak dritë, e mbytur n'maraz
Kërrusur ndër shekuj por plot krenari
Gjithmonë kokën lart me plot hijëshi

Përballet me fatin një fat i mallkuar
Bijtë shtegëtojnë tjetër fat për t'kërkuar
Të braktisin nënë sa më larg me ik
S'është parë e dëgjuar ju bëmë vetes armik

Kurrë nuk mësuam veten ta duam
Argat nëpër botë gjithë jetën jetuam
Ëndërr të shkojmë andej nga perëndimi
Më i vjetri komb na paska humb besimi

Refreni :

Mos ik po rri,së bashku ja dalim
nuk bën me harru,është toka nanë
mos ik po rri,së bashku ja dalim
ky është amanet,i të parve që lan (2x)...

VERSE 2

Sa herë i shkrujta rreshtat sa herë i fshiva prapë
Mendime vijnë e ikin po dua t'i bëj zap
Se edhe unë si ju, vuaj si ju njësoj
Nuk e di për ju por kam mësuar të luftoj

Moos ik o vllaa, qëndro këtu me ne
Të luftojmë së bashku për një jetë në k'të atdhe
Po ikëm unë dhe ti, ata, ato të gjithë k'ta
Fëmijëve ça tu themi, kur babai tokën la

Nuk bëri dot shtëpinë e tij ama të botës po
Urreu tokën nënë e të kthehet më nuk do
Mos e merrni rrugën për të kërkuar azile
Hajde të punojmë k'tu në vendin tonë pa hile

Se njerëzit edhe gjuha janë tapia e vendit
Nuk ka identitet pa gjakun e levendit
Më mirë zoti i vetvetes se skllav i robëruar
Me punë e besim ka shpresë për të shpresuar...

Refreni :

Mos ik po rri,së bashku ja dalim
nuk bën me harru,është toka nanë
mos ik po rri,së bashku ja dalim
ky është amanet,i të parve që lan (2x)...