Më mbaj mend (për 1 muaj)

Hyrja është kryer me sukses!

Tri Plaka Të Zeza Të Futura Në Shi

-vegim i përjetshëm-

Tri plaka të zeza të futura në shi,
Nxitojnë përmes fushës me qiellin përbri.

Tri lëmshe të zeza si në një vizatim primitiv
Ecin si në filmat multiplikativ.

Ku shkojnë poshtë muzgut këto tri plaka,
Pikë për pikë si në të moçmet balada.

Drejt qiellit, natës…a ku po shkojnë,
Tri hieroglife kineze që s’dimë t’i lexojmë.

Tri plaka shqiptare të taposura në shi
T’i nxirrja prej shiut… Ah, të kisha mundësi.

- poezi nga Petrit Ruka


Zgjidhni me sa yje do votoni

Mesatarja:  5 / Votuan:  1

Komente mbi këtë krijim


* Të regjistruarit mund të votojnë ose të sinjalizojnë komentet