Më mbaj mend (për 1 muaj)


Rovena Dilo Mbetet Pa Lokal, Tom Doshi E Fiton Gjyqin

Nuk ka akoma asnjë votë

[21-07-2015]
Deputeti shkodran, Tom Doshi, ka fituar një gjyq, gjatë kohës që ishte duke u përballur me një tjetër betejë ligjore, që pushtoi hapësirën e medias.

Sipas gazetës Shqip, Doshi ka fituar një gjyq pronësie. Gjykata e Tiranës ka pranuar kërkesën e Doshit, por edhe ish- deputetit demokrat, Ndriçim Babasi për një pronë prej 887 metrash në zemër të Bllokut.

Gjykata e Tiranës ka urdhëruar këngëtaren Rovena Dilo të dorëzojë pronën.

Bëhet fjalë për lokalin e njohur “Rovena”.
Këngëtarja ka pasur probleme në të shkuarën me këtë pronë, ndërsa disa të afërm të saj ia kanë shitur këtë pronë Doshit dhe Babasit.

Dilo nuk e ka pranuar këtë gjë dhe e ka dërguar çështjen në prokurori, e cila po heton.

Ndërkohë në vendimin e Gjykatës së Tiranës, firmosur nga gjyqtari Fatri Islamaj, thuhet se Dilo mund të mbajë vetëm 20.3 metra katrorë.

Hapësira tjetër e lokalit do kalojë për Doshin dhe Babasin.

Vendimi është i apelueshëm.
 (Indeksonline)



Komente mbi këtë artikull