Tema: Poezi Per Nënën

Amaneti I Nënës

Bir i mamit, more bir!
Sot po nisesh për udhëtim.
Si shumë hapin e ke shtrirë,
Uroj të mos jetë rrugë pa kthim!

Aq larg, bir, ku po shkon?
Jeta është si luftë, e di?
Për bukën e gojës fort punon,
Uroj të mos ngelesh pa shtëpi!

Puno fort,bir, e me nder,
Të mirën mos e përbuz kurrë!
Paraja vetëm me djersë ka vlerë,
Mirësinë mos e qëllo me gurë.

Mbase bëhet edhe këtu më mirë,
Se largimi yt sa shumë më vret.
Dora ime do rrijë shtrirë,
Zemra ime po të pret.

- poezi nga Shefik Arifi


- Poezia u dërgua nga Shefik -

Zgjidhni me sa yje do votoni

Mesatarja:  5 / Votuan:  240