Sa gëzim paska këtu
vajza e shpisë asht tu martu
tuj prit miqtë sofra me shtru
edhe kanga s'ka pushu
petë bakllava n'furrë kanë çu
krushq e miq fort me i nderu
me i nderu tuj pritë te dera
në ktë shpi ka ardhë pranvera

Nadje herët n'ora 7
erdhën kurshqit tuj bo gallatë
me makina me bori
krushqit vijnë qesin allti
morën nusen me duvak
ishte e bukur si zambak
pa ia mbushun me peshqesh
gjithë dasmorëve fytyra u qeshte.

Kur te burri nusja shkoi
dhandrri i bukur nanën gëzoi
kanga e vallja e shoqnisë
tuj u ndi deri në kupë të qiellit
tundej vendi nga sevdaja
kcente tezja, u hidhte daja
hidhej shoku dhe kushërini
nji mbas nji këndonin prej gëzimi

Ma në fund dasma mbaroi
i zoti i shpisë gjithë i nderoi
si nuk zuri vend njiherë
gjithë dasmorëve u bën nder
bereqet e pasuri
njifshin mirë për këtë shtëpi
i përkëdhelte gjithë me rend
"jua kthefshim në gazmend"