A B C D E F G H I J K L M N O P Q R S T U V W X Y Z #

Pangopuri

Ishte koha e durimit edhe qëndresës
Të gjithë besonim dhe shpresonim
Premtimet ishin marramendëse
Parashikimet më se të arsyeshme.

Besimi sundoi dhe më drejtoi
Pritja është dashur ta ketë vlerën e vetë
Nuk vërejta buzëqeshjen mashtruese
Në grimasat e sakatosura.

Kishte tipare dinake
I fshehtë dhe i shkathët
Shfrytëzoi momentumin
E firmosa letrën.

Ofiqari i zhveshur nga dinjiteti
Fshehur nën petkun e ligjit
Finoku dhe hileqari
Tokën e gllabëroi.

Frika nga i Madhi
Është iks i panjohur per të
Fjalët dhe orvatjet e mia
Mbetën dëshira të kota.

tyram j spahiu

- poem written by Tyran Prizren Spahiu


- Submitted by T -

Choose star rating

Rating:  4.4 / Votes cast:  16





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019