A B C D E F G H I J K L M N O P Q R S T U V W X Y Z #

Tema: Poezi Për Shoqerinë

Mbretëria

Trokasin gjeneratat e humbura
Në dyert e shpresës së lodhur
Në brigjet e largëta të Ballkanit
Fillimin e qytetërimit shkelës.

Vendasi thotë kokëulur
Nata sjell demokraci rrjepëse
Sezona e shiut komunizëm
Dielli mbretëri të kufizuar.

Fjalë të sofistikuara ndëgjohen
Prej shefit të fisit Mantu
Skaj moçaleve të kufomave
Ku buka është dhuratë .

Djepi i civilizimit të paedukuar
Skllavopronaria mileniumi fton
të mashtruarit e shumtë
Nën qiellin primitiv të kanibalizmit.

I pari i tyre
Mbreti nën petkun e mbretëreshës
Ndan dhe vendos
Me ligje të rrjedhshme çnderimi.

Turpërohet më tepër turpi
I saloneve të dinastisë
Baladatë pasurojnë këtë ankth
Të sorrave të shkërdhyera.

tyran j spahiu
vargje poetike IV
poezia buron nga zëri i brenshëm

- poezi nga Tyran Prizren Spahiu


Nuk ka akoma asnjë votë






Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019