“Bëmë baba të të ngjaj”,- ka qenë komenti që këngëtari i njohur kosovar Vedat Ademi ka bërë në foton e publikuar në Facebook, së bashku me të birin. Në këtë foto at e bir shfaqen të veshur me të zeza në stilin rrok, rrymë të cilën Vedati e lëvron shpesh në produksionet e tij muzikore. Këngëtari është përpjekur gjithnjë që krahas karrierës së tij të publikojë shpesh edhe foto të familjes. Madje ai i ka përfshirë njerëzit e tij të dashur edhe në klipin “Vetëm Ti”, ku protagonist është vogëlushi JonArt.