Jan do vajza në nji katun
Që i thon vedit kem men shum
Me jau ba nji inventar
Ju del menja mrapsht e marë
Me u martu kanë pretendime
Po u shkon jeta në ëndërrime

Njana thotë se marr punëtor
Tjetra thotë e du me shkollë
Me pozitë e me detyrë
Që t'punojmë të dy në zyrë
Tjetra thotë në hall kam ra
E du të bukur për me u pa
Kur të dal me ta nshëtit
Me m'ja pas gjithkush lakmi
Mercedesa tipit ri
Dhe me letra në Gjermani

Në tanë lagjen e kërkova
Mas nji djali kot u lodha
Nanës e babës s'ju ka pëlqy
S'po muj shpinën me ja kthy
Si me e marrë s'po di as vetë
Boll i keq e boll i shkretë
Veç nji të mirë ja ka fal zoti
Tanë tu rrejt po i shkon moti
Ec e ec e mush e mush
Tana rrenat dalin në fushë

Nja dy djem më kanë kërku
Por kurrnjani nuk asht për mu
Mu rrejt menja me marrë njanin
Veç me kusht me lanë duhanin
Tjetri kish nji taksiratë
Ma kish hunën pak të gjatë
I kam thanë mos hajde në shpi
S'pi duhan as s'pi raki
Veç po du nji djalë të ri
Të jetë i pashëm dhe zotni

Shumë herë menen e kam vra
Se shofer qejfi s'ma ka
Arsimtar ka nerva shumë
Por çobanin ç'e baj unë
As doktor s'po muj me marrë
Se kam frikë se nuk ma var
Biznesmeni dhe tregtari
Po shikojnë sa shkon dollari
Pa u martu s'po më rrihet ma
Medet mbeta pa kurrgja