teksteshqip.com
A B C D E F G H I J K L M N O P Q R S T U V W X Y Z #
Tekste Këngësh

Naim Frashëri
Tema: Poezi Për Ëndrra dhe Shpresë

Naim Frashëri
Mejtimi

Rri mejtohem shumë herë
Tek perëndon yll'i zjarrtë,
Edhe hapetë një derë,
Soje rrjeth një drit' e artë.
Retë, nga pak' e nga pakë,
Marrën një tjatër fytyrë,
Bënenë të kuqe flakë,
E deti ndrin si pasqyrë.
Oh! sa të bukura janë
Fushatë që gjelbërojnë,
Qiejtë që s'kanë anë,
Luletë që lulëzojnë,
Zoqthitë që flasin belbër
E fluturojnë ndë erë,
Pyll'i veshur më të gjelbër,
Deti i qet' e i gjerë,
Lumi që nxjerr oshëtimë,
Që bubullin nëpër male
Dhe ikën me fishëllimë
Nëpër fusha me ngadale,
Brigjet' e veshurë me bar,
Me lule, me gjeth, me fletë,
Rrahurë n'ergjënt edhe n'ar,
Ahu me krye përpjetë!
Më çdo kënt edhe më çdo vis
E më çdo çuk' e çdo brinjë
Shoh një plep, një vith a lis,
Një qarr, një bush, një dëllinjë.
Hap sytë dhe përqark shikonj
Fushë, limë, brigje, male,
Edhe të shkuarat kujtonj
Një nga një, dalengadale.
Për ata që janë ndarë
Prej nesh, që rrinim gjithë tok
Edhe më s'i kemi parë,
Që i patmë shpirt edhe shok,
Zëmëra më përvëlohet
Edhe them vallë ç'u bënë,
Kur shoh që koha po ndrrohet
Dhe të mugëtit ka rënë,
Po rrjeth nëpër hapësirë
Edhe sa vete po shtohet,
Lint nata me errësirë,
Dheu e qielli ndryshohet.
Kështu rrotullohet moti,
Yjt' e hëna sytë hapin
Dhe pas nomit q'u vu Zoti
S'rrinë, po gjithënjë çapin.
Lumi me një psherëtimë
Ikën edhe vete në det,
Dëgjohet një bubullimë,
Që përhapetë përmbi dhet.
Duke shkuar dit' e net,
E duke ndërruarë moti,
Vemi si lumi në det,
Nga Zoti, prapë te Zoti.

Zgjidhni me sa yje do votoni
  Mesatarja:  4.8 / Votuan:  65






Kalendari
28/02/2017
Gëzuar Ditelindjen TeksteShqip Uron:
Big Mama
Big Mama
31 vjeç
Morena Dyli
Morena Dyli
27 vjeç
Enver Petrovci
Enver Petrovci
63 vjeç
R.I.P.     Përkujtojmë:
Dr. Flori
Dr. Flori
(1979-2014)
Emmy
Emmy
(1989-2011)

Votimi i Javës
   26 Shkurt - 4 Mars 2017

Cilën Këngëtare Adhuroni?

  Rihanna

  Adele

  Beyonce

  Taylor Swift

  Katy Perry

  Rachel Platten

Voto