Malet tona gjak kullojnë
Tokën time m'a rëndojnë
Për dhjetë lule që larg u thanë
Me sy qel' për babë e nanë
Pa ju ter djersa në ballë
Për Kosovë janë nisë me ardhë
I dogj malli për vendlindje
Që ja ditën halle e dhimbje

Loti djeg për vlla e motër
Thatë e lanë vendin në sofër
Lajm i zi na helmoj n'shpirt
Na ka therr n'zemër si thikë
Ta ndal frymën kjo tragjedi
Dhimbja nihet në çdo shpi
Qan atdheu për lule t'veta
Nuk i pashë qysh u shkoj jeta

Dheu i huj t'ri i kish tretë
Veç ma t'mirë me pas ni jetë
Rândë e patën n'kurbet t'zi
I mur vdekja tu u kthy n'shpi
M'i taku kot priti lokja
N'gji të vet po naj merr toka
Sy e zemër qajnë me gjak
Se veç loti ju doket pak

Po vajton prej malit zana
Larg ju ni rënkimi e gjâma
Sharri i vjetër s'u ngi tu kja
Kurrë Kosova s'ju sheh mâ
T'ri e pleq luten për ju
Zoti i madh mej mëshiru
Zemra mbushet gaca t'zjarrit
Vet jam bir i mërgimtarit