Më mbaj mend (për 1 muaj)

Tema: Poezi Për Ndarje


Ndarja

Na erdhi dhe ora,
E dashur,e ndjej
Rrugën time mora
Ti tënden,andej!

Na erdhi dhe ndarja,
Kjo kafshë e pabesë
Si gjarpër dhe çarja
Na hyri në mes!

Ndarja në kafshim,
Dhëmbët më tregoi
U ngul në trupin tim
Një copë më largoi!

Na erdhi dhe ora,
Tik takun dëgjo!
Nga trupi të nxora
Të thashë:ik shko!

Ndarja dhëmb gërshërë
Kjo kafshë e pabesë
Ishim trup i tërë
Na ndau në mes!

- Poezi nga Vaso Dushi



Nuk ka akoma asnjë votë


Komente 0