Pas martesës, këngëtarja kosovare, Nora Istrefi, shpreh dëshirën për t’u bërë nënë. Në një intervistë për mediat e shkruara, Istrefi thekson se është në moshën ideale për të pasur një fëmijë. “ Unë nuk kam shumë qejf që t’i planifikoj gjërat, por tani nuk është se nuk e dua një fëmijë. E dua! Jo, s’do më prishet trupi (qesh). As për karrierën s’e kam problem. Tani jam gati ta ndërpres për të patur një fëmijë. Tani po! Më herët nuk isha. Jo prej karrierës, por më dukej vetja shumë e re për të pasur një obligim të tillë.



“Tani jam 28 vjeçe. Mendoj se ka ardhur koha. Roberti e ka pasur këtë dëshirë edhe shumë më herët, por unë nuk ja kam plotësuar (qesh). Ai i do shumë fëmijët. Edhe unë i dua shumë por nuk e ndjeja deri tani. Por kam filluar të kem dëshirë. Siç e thashë unë nuk bëj plane sepse besoj shumë në Zot”, thekson Istrefi.