A B C D E F G H I J K L M N O P Q R S T U V W X Y Z #
Biografia



Tags: Shyhrete Behluli, Shyrhete, Shyrete, Shyhrete Beluli, Shyhretja, Shyhreti, Shyrete Beluli, Shyrete Behluli, Shyretebehluli


Zgjidhni me sa yje do votoni
  Mesatarja:  4.3 / Votuan:  593


Shyhrete Behluli

Vendlindja: Mushtisht (Therandë)  
Jeton dhe vepron në  
Mosha: 54 Vjeç
Ditëlindja: 10 Janar 1962
Shenja e Horoskopit: Bricjapi
Këndon kryesisht: Popullore Moderne Popullore Folklorike
Rryma të tjera: Popullore Kosovare Popullore Dasmash

Shyhrete Behluli është një këngëtare shumë e njohur. Shyhrete Behluli është njëra nga këngëtaret më të mëdha të muzikës popullore. Si ndihmëtar në hapat e para karrieristike pat babain e saj, Xhemal Behluli, i cili qe kultivues i mirëfilltë i këngës popullore e folklorike.
U lind në fshatin Mushtisht të Therandës, ku kreu shkollimin fillor, të mesmen e kreu në Prizren, ndërsa Fakultetin Filologjik në Prishtinë. Familja e saj ka patur një traditë muzikore, jo publike. Ajo këngës ju përkushtua me të gjitha forcat e saj, dhe kurrë s'është ndarë nga ajo. Kënga u bë pjesë e jetës e saj, ajo e shoqëroi nëpër shtigjet e jetës, ajo i solli gëzime dhe nganjëherë edhe dëshpërime. Talentin e saj, i pari e zbuloi profesori i muzikës, z.Ibrahim Hamiti, i cili e përkrahu, e angazhoi që Shyhretja me të gjitha forcat t'i përkushtohet këngës. Merita të mëdha që ajo të arrijë majat e suksesit, ka edhe rrethi familjar (babai, gjyshja) dhe rrethi shoqëror. Paraqitjen e parë skenike e realizoi në vitin 1974, me këngën "Cuca e maleve" ku profesori i muzikës e përcillte me çiteli e ajo këndonte. Kur publiku filloi ta përcjellë me duartrokitje, nga të cilat ushtonte e tërë salla, ajo nga gëzimi e emocini që ndjente, për një moment sikur harronte tekstin e këngës. Aty mendonte se kurrë më nuk do të merret me këngën, momente këto që ndikuan se kënga që ka një tekst dhe melodi të mirë, do jetë e dashur gjithmonë dhe do të jetojë gjatë në popull.
Në periudhën 1987-1990 kishte realizuar 45 koncerte humanitare në të gjitha trojet shqiptare, si dhe Diasporë (Zvicër, Gjermani, Belgjikë, Norvegji, Suedi, etj.).
Në vitin 1987 promovon albumin e parë "Gjuhë e bukur" që përmban 10 këngë patriotike: "Çel trëndafili", "Shtatë shaljanë", "Moj erlinë", "Kullat tona", "Moj Kosovë ylber me drita", "Moj thëllënzë", "Qan sulltani prej trishtimi", "Na çeli prapë thana", etj.
Në vitin 1988 vjen albumi i dytë "Besa-besë", me këngët: "Kosova martire", "Uratë për liri", "Dardania", "Këngë për Adem Demaçin", "Kënga e flamurit", "Gjuha shqipe", "Vaj për ushtarët e vrarë" dhe "Besa-Besë".
Në vitin 1989 bën regjistrimin e këngës "Në ballë të arbërit" dhe shpërblehet në "Okarinën e artë" të vitit 1989.
Në vitin 1990 paraqitet në Radio Televizionin e Prishtinës për programet e Vitit të Ri me këngët e njëjta.
Në vitin 1991 u mbajt një koncert në Shqipëri për regjimin serb në Kosovë, ku këndon këngët "Haxhi Haxhaj", "Sabit Rrahimit", "Kënga për Liman Kadën", "Hajdar Dushit", etj.
Në vitin 1992, në koncertin humanitar në Therandë, këndon një këngë për Skënderbeun, një këngë që bëri jehonë në të gjithë trevat shqipfolëse.
Në maj të vitit 1995 editon albumin me Shkurte Fejzën "20 vjet për ju". Në këtë album bëjnë pjesë disa këngë popullore, siç janë: "Ku po këndojnë këto dy kumrija", "Ku po shkon moj Zanë", "Kënga e Universitetit", "Mëmëdheu", "Moj voglushe", etj.
Në 2 dhjetor 1997 regjistron këngët: "Qaj moj nanë qaj", "Pyeta malin", "Moj sharki e lehtë si era".
Në 5 shkurt 1998 lanson albumin "Ligjëron Kosova" i cili mbajti mbi 13 këngë.
Në 27 nëntor 1998 punon dhe publikon këngën "Në ditën e flamurit".
Në 24 mars 1999 u mbajt një koncert në Mitrovicë dhe këndon këngën "Zahir Pajaziti".
Në pranverën e vitit 2000 vjen albumi "Zahir Pajaziti" me 14 këngë.
Në vitin 2001 mban koncert në Maqedoni me Mahmut Feratin, por me Mahmutin, Shaqir Cërvadikun, Shkurten dhe Ganimete Jashanicën këndoi herët nëpër ahengje të ndryshme në Maqedoni.
Në vitin 2002 lanson albumin "Për të gjithë nga pak", album ky me një stil dhe zhanër të ri me këngë popullore dasmash.
Në vitin 2003 vjen albumi "Ti fanar i pashuar" me 11 këngë të përziera.
Viti 2004 sjell albumin mjaft të suksesshëm "Në ditën e flamurit" me 10 këngë patriotike.
Në vitin 2005 nxjerr albumin e ri "Moj fisnike" në përmbajtje të 11 këngëve.
Nga viti 2006, Shyhretja fillon të sjellë modernizim në stilin e saj të të kënduarit, dhe po këtë vit editon albumin "Pse", album ky i stërshitur e i shumëkërkuar.
Në vitin 2007 bën promovimin e albumit "O me ty o pa ty". Po këtë vit vjen bashkëpunimi me Shkurten dhe albumin e titulluan "Herë mjalt e herë pelim".
Në vitin 2008 punon albumin "Dasma kosovare" me 9 këngë.
Në vitin 2009, me 9 këngë të suksesshme përmbyll albumin solo "Evladi", ndërsa albumin trio me Shkurten e Mahmutin e titullojnë "Potpuri me yjet".
Në vitin 2010 publikon albumin "Të kam mik e më ke mike", gjithësejt me tetë këngë, por po këtë vit vjen dhe bashkëpunimi me Enkelejdën e Mahmutin, me albumin me 13 këngë "Moj e mira te bunari".
Në 3 qershor të vitit 2011 lanson në treg albumin "Ma të mirë me u ba", e në 20 dhjetor të këtij viti publikon albumin "Bashkë në sofër" në bashkëpunim me Shkëlzen Jetishin.
Në vitin 2012 albumin "Banja qejfin vetes" e përmbyll me 10 këngë.
Në vitin 2013 publikon albumin "Je si rrush" dhe realizon dy klipe të këngëve "Je si rrush" dhe "Gëzim e lotë".
Viti 2014 kurorëzohet me albumin "Shtëpi e vjetër" me 8 këngë dhe albumi bashkë me Mahmut Feratin "Zgate Zot".
Vitin 2015 vjen me albumin tepër të pëlqyer "Për vajzën", dhe realizon dy videoklipe "Për vajzën" dhe "Gra moj gra".
Gjatë këtyre katër dekadave, ylli jonë muzikor, Shyhrete Behluli, ka realizuar me qindra bashkëpunime dhe dhjetra albume me Shkurte Fejzën, Mahmut Feratin, Remzije Osmanin, Motrat Mustafa, Shaqir Cërvadiku, Shkëlzen Jetishi, etj. Ajo ka të realizuara mbi 20 videoklipe këngësh. Janë disa bashkëpunime që do ngelen gjatë në kujtesë, ai me Sinan Hoxhën, Ponin, Ismet Pejën e Valbona Halilin, etj. Shyhretja jeton dhe vepron në Prishtinë me pesë fëmijët e saj dhe bashkëshortin.





» Dërgo Korrigjime »

Punuan Biografinë:  arsimdiber  




Kalendari
14/02/2016
R.I.P.     Përkujtojmë:
Gjokë Beci
Gjokë Beci
(1939-2014)

Votimi i Javës
   7-13 Shkurt 2016

Reperi Më I Kërkuar Shqiptar

  Noizy

  2 Ton

  Ledri Vula

  Gold Ag

  Unikkatil

  Mc Kresha

Voto