A B C D E F G H I J K L M N O P Q R S T U V W X Y Z #

Te Thana

Shpesh të dëgjuar e kam tek thonë:
"Të shkruar e kemi çdo gjë në botë"
Pra,kot u lindëm herët apo vonë
Kot dhe hijen e lemë mbi tokë.

Jam kurioz të di ç'kanë shkruar
Shën Lorenci a i Shënjti Pjetër
Këmbëkryq të ulur nën "Pemë të Bekuar"
Diku aty rrëzë thanës së vjetër.

Kjo shkëndijë ndërmjet dy errësirash
Në gjunjë betohet në nder të putanës
Në tempuj dreqërish e qelbësirash
Fshikullon mendjen purtrkë e thanës.

Por hiç s'më duhet kur të kem vdekur
As kur t'më digjni dhe të mblidhni hirin
Prej vargut tim diç do ketë mbetur
Aty ku Shenjtët më ndanë kufirin!

- poezi nga Albi Lushi


- Poezia u dërgua nga Albi Lushi -

Nuk ka akoma asnjë votë






Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019