Hej, Sefë Kosharja i pari i fisit,
O hije t' paska o maja e lisit,
Hije m' ka o shokët e mi-e,
Kam dhanë jetën o per liri-e,
Kam dhanë jetën o per liri-e,
Jam shqipëtar o kosovarli-e
S' na ka le o lokja prej barkut,
O- ho, na ka qite o huta prej çarkut-o he.

Hej, amanet o për me m' varrue,
O varrin me frëngji e due,
T'i shoh fushat tuj jeshilue,
T' shoh flamurin o tuj flakrue,
Du manxerrin perbri te varrit,
T' ia ngjesh hasmit në lule t' ballit,
Du manxerrin me gjithë fishekë-e,
O- ho, se s' kam vdekë-o e s' kam me vdeke-o he.

Hej, mal me gjak o ashte ba Kosova,
O luftë po ban-e o Sefë Kosharja,
Po ban luftë- e po ban kërdinë-e,
Gjëmojnë malet o duan lirinë-e,
Nuk jeton o shqipja pa diell,
Nuk gjallnon ajo pa lirinë-e,
Nuk duron o shqipja robni-e,
O- ho, jam shqipëtar o kosovarli-e o he.