Sa ka çelë agu prej territ
Sa ka nisë me zbardhun drita,
Falë me shëndet hej Jakup Ferri
Ja po zdirgjem me petrita.
Vij nga Stakaj te Rugovës
Me stuhi e fjolla t’borës.
Sa t’ketë gurë e sa t’ketë lisa,
Sa t’ketë burra e djem me plisa
Bash si shqipe lëshohen rrahut
E ja marrin kang’s majëkrahut:
Maje malesh ka ra ngrica
Këtu s’ka vend jo për kapica.
Refreni:
Bjeshka bjeshkën po e dvetë
Çelë Shabani ku na ka mbetë
N’fushë t’Nokshiqit bregut t’Limit
Tre t’pakokë pranë shtatit t’trimit.
Shtatë varrue tue ba gjamë
S’ka ç’me i pa e zeza nanë,
Ballë për ballë jeta dhe vdekja.
Dymdhetëmijë me tetë mijë veta.
Çela sheh tutje mënjanë
Trimat jo me numër s’maten,
Sali Jahën Zo ku e kam
Gju’n me t’majtë e pret me t’djathten,
Kaje Shabanja, Gala vetë
Si kulçedër na i lëshon rrufetë.
Kapedan ndër kapedana
Kanë ba be n’shqipe t’flamurit,
S’ka kthim mbrapa, i bekoftë zana
Se nuk l’kundet fjalë e burrit,
Brez pas brezi e djalë pas djali
Lavdimadhi Çelë Shabani.
Refreni:
Bjeshka bjeshkën po e dvetë
Çelë Shabani ku na ka mbetë
N’fushë t’Nokshiqit bregut t’Limit
Tre t’pakokë pranë shtatit t’trimit.
Shtatë varrue tue ba gjamë
S’ka ç’me i pa e zeza nanë,
Ballë për ballë jeta dhe vdekja.
Dymdhetëmijë me tetë mijë veta.


DËRGO