A B C D E F G H I J K L M N O P Q R S T U V W X Y Z #

Tema: Poezi Dashurie

Më Urrej

Në dritën e parë të agimit të hershëm
Vija në shtëpi i dehur
Më prisje me kafe
Të dhunoja me pasion
Bërtisja
Tregoja rrena të fabrikuara
Tentoja të të mashtroj
Por sytë e tua tregonin
Në heshtje shumë mosbesim.

Isha njeri i paepshëm
Lajkatar dhe mëkatar
Dyndja kafeve dhe bareve
Si endacak pa kurrizor.

Më urrej ti zonjë e shtëpisë
E çiltër dhe e pastër
Ndiej neveri me tërë qenien
Më urrej.

Jam bërë hi e pluhur
Para syve të tua blu
Fjalës tënde fisnike
Qëndrimit lojal.

Më urrej sot e nesër
Mos ndot gojën me mua
Oxhakun mos ma ofro
Zonja e shtratit tim.

Arsyetimet e pakuptimpta
Gënjeshtrat morbide
Sjellja frustruese
Ti tërë këtë nuk e meriton.

Më mbyll dhomën e gjumit
Më demasko
Më urrej
Por mos bjerë
Në nivelin tim.

tyran prizren spahiu

- poem written by Tyran Prizren Spahiu


Not Yet Rated






Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019