Më mbaj mend (për 1 muaj)

Hyrja është kryer me sukses!


Vali Kuqi, Një Vit Me Shumë Plane


Zgjidhni me sa yje do votoni

Mesatarja:  5 / Votuan:  2
[07-03-2013]
Më së shumti njihet për këngën, të realizuar në bashkëpunim me motrën e tij Yllka Kuqi, “Dhe të dua ty”. Tash këngëtari i ri nga Kosova, Vali Kuqi, po e vazhdon karrierën. Ai këtë vit konkurron në Top Fest 10.

Kush e ka realizuar këngën me të cilën do të jeni pjesë e Top Fest 6 dhe a mendoni që do të dilni fitues?

Kuqi: Këngën e ka realizuar Kledi Bahiti nga produksioni Three Dots. Pretendimet janë për të shkuar sa më larg. Për të fituar është herët të flitet, me rëndësi është të pëlqehet kënga, të paraqitem sa më mirë dhe të lë përshtypje të mira në festival.

Ku jeni duke jetuar aktualisht dhe me çfarë po merreni?

Kuqi: Aktualisht jam duke jetuar në Tiranë, jam në vitin e parë të studimeve në Akademinë e Arteve në Tiranë, Fakulteti i Muzikës – dega kompozicion. Lëmi që e kam zgjedh ka qenë gjithmonë ëndërr për mua, gjithmonë kam pasur dëshirë që përveç muzikës së lehtë, të kompozoj edhe muzikë klasike. Vështirësia e këtij zhanri muzikor është mjaft e madhe mirëpo s’po më mungon vullneti – edhe profesionalizmi i kësaj shkolle po më ndihmon shumë.

Cilat janë planet tjera që keni sa i përket
muzikës?

Kuqi: Këtë vit kam në plan shumë projekte. Pas Top Festit kam në plan një këngë të re. për të cilën muzikën do ta bëjë vet unë ndërsa shpresoj që këtë këngë ta bëj edhe më video-klip që do të jetë i pari për mua. Thjesht, shumë punë.
 (Dukagjini)

      Vali Kuqi - Rruga Ime [Teksti dhe Klipi]


Komente mbi këtë artikull


* Të regjistruarit mund të votojnë ose të sinjalizojnë komentet